Հայտնի է՝ ինչ են քննարկել Պուտինն ու Էրդողանը Ուկրաինայի վերաբերյալ

Կրեմլի տեղեկացմամբ՝ Ռուսաստանի նախագահ Վլադիմիր Պուտինն ու Թուրքիայի նախագահ Ռեջեփ Թայիփ Էրդողանը հեռախոսազրույցի ընթացքում քննարկել են Ուկրաինայի շուրջ  ստեղծված իրավիճակը, այդ թվում՝ դրա կարգավորման վերաբերյալ ԱՄՆ նախանշած առաջարկները։

Պուտինը կրկին հաստատել է, որ Ռուսաստանը հետաքրքրված է ուկրաինական ճգնաժամի քաղաքական ու դիվանագիտական հանգուցալուծմամբ։

Ռուսաստանի ղեկավարն ընդգծել է նաև, որ ԱՄՆ-ի ներկայիս առաջարկները կարող են հիմք լինել կարգավորման գործընթացի համար։ Զրույցի ընթացքում կողմերը համաձայնել են ակտիվացնել ռուսական և թուրքական շփումները ուկրաինական հարցով տարբեր մակարդակներում։