Երևանի երկու մեծ մոլերում կբացվեն ՆԳՆ միգրացիայի և քաղաքացիության ծառայության գերժամանակակից գրասենյակներ. նախարար
ՆԳ նախարար Արփինե Սարգսյանը տեղեկացրել է, որ Երևանի ամենաբանուկ առևտրի երկու համալիրներում նախատեսվում է բացել գերժամանակակից գրասենյակներ, որոնք կաշխատեն կենսաչափական տվյալների հավաքագրման «բոլորը մեկում» ինքնասպասարկման սարքավորումներով։ Կենտրոնները կլինեն նաև մանկական խաղասրահներով և միջազգային ստանդարտների սպասարկմամբ։
Սարգսյանը նշել է, որ այս նախաձեռնությամբ հանրային ծառայությունների մատուցման համար Հայաստանում սահմանվում է նոր մոտեցում՝ փակելով անձնագրային համակարգի հնամաշ և ցածրորակ ենթակառուցվածքի էջը և կոտրելով ոլորտի կարծրատիպերը։
