Միլիոնավոր մարդիկ անտեղի զոհվել են. Թրամփը՝ ռուս-ուկրաինական համարտության մասին
ԱՄՆ նախագահ Դոնալդ Թրամփը Truth Social սոցիալական հարթակում գրել է, որ ուկրաինական հակամարտության համար պատասխանատու է համարում Կիևին և ԱՄՆ նախկին ղեկավարությանը։
Նրա խոսքով՝ «Ռուսաստանի և Ուկրաինայի միջև պատերազմը դաժան և սարսափելի է, և ԱՄՆ-ի և Ուկրաինայի ուժեղ և որակյալ ղեկավարության դեպքում դա երբեք տեղի չէր ունենա»։
Թրամփը նշել է, որ Ջո Բայդենի նախագահության ընթացքում հակամարտությունը միայն խորացել է։
«Ես ժառանգեցի մի պատերազմ, որը երբեք չպետք է տեղի ունենար, մի պատերազմ, որը պարտություն է բոլորի համար, հատկապես միլիոնավոր մարդկանց համար, ովքեր այդքան անտեղի զոհվել են»,– գրել է ԱՄՆ նախագահը։
