Աշխարհում առաջին ստորգետնյա ածխածնի պահեստարանը՝ Հյուսիսային ծովի տակ
Նորվեգիան Հյուսիսային ծովի տակ գործարկում է աշխարհում առաջին ստորգետնյա ածխածնի պահեստարանը։ Այս մասին ֆեյսբուքյան իր էջում գրել է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը։
«Հյուսիսային լույսեր» նախագիծը Եվրոպայում CO₂-ի առաջին առևտրային պահեստարանն է: Արդյունաբերական օբյեկտներում որսված ածխաթթու գազը սեղմվում և ծովով տեղափոխվում է Նորվեգիայի տերմինալ: Այնուհետև այն մոտավորապես 2.6 կիլոմետր խորության վրա գտնվող ստորջրյա խողովակաշարով ուղարկվում է Հյուսիսային ծովի հատակին գտնվող «Ավրորա» ստորգետնյա պահեստարան: Այդ պահեստարանը ունի տարեկան մինչև 1.5 միլիոն տոննա CO₂ տարողունակություն և արդեն լիովին զբաղեցված է հաճախորդների կողմից:
Մինչև 2025 թվականի վերջը ածխաթթու գազը կմատակարարվի Նորվեգիայից և կներմղվի ստորգետնյա պահեստարան: Հաջորդ տարի գազ կմատակարարվի նաև Դանիայից և Նիդեռլանդներից:2028 թվականից սկսած նախատեսվում է հզորությունը հասցնել 5 միլիոն տոննայի: Սա զգալիորեն կնվազեցնի ծանր արդյունաբերությունից ածխաթթու գազի արտանետումները և կաջակցի կլիմայի փոփոխության դեմ պայքարի համաշխարհային ջանքերին:
