ԱՄՆ-ն սպասում է Մոսկվայի արձագանքին

ԱՄՆ վարչակազմը մոտ ժամանակում նախատեսում է կապ հաստատել Ռուսաստանի պաշտոնյաների հետ՝ քննարկելու Վաշինգտոնի առաջարկած Ուկրաինայի պատերազմի կարգավորման ծրագիրը։ Այս մասին տեղեկացնում է Reuters-ը՝ հղմամբ ամերիկյան կառույցներում գտնվող աղբյուրին։

Նշվում է, որ Ռուսաստանը չի մասնակցելու Շվեյցարիայում նախատեսված խորհրդակցություններին, սակայն ԱՄՆ-ում ակնկալում են առանձին ձևաչափով շուտափույթ քննարկում կազմակերպել ռուսական կողմի հետ։ Աղբյուրի փոխանցմամբ՝ այս հանդիպումները դիտարկվում են որպես հնարավորություն ներկայացնելու Վաշինգտոնի առաջարկած մոտեցումները և գնահատելու Մոսկվայի արձագանքը։

ԱՄՆ-ը խաղաղ գործընթացի շուրջ աշխատում է միաժամանակ մի քանի դիվանագիտական ուղություններով՝ համագործակցելով ինչպես եվրոպական գործընկերների, այնպես էլ տարածաշրջանի այլ պետությունների հետ։ Վաշինգտոնն ընդգծում է, որ նպատակն է առաջ մղել այնպիսի լուծում, որը կհանգեցնի ռազմական գործողությունների նվազմանը և փոխադարձ ընդունելի պայմանների ձևավորմանը։