ԱՄՆ-ի առաջարկած խաղաղության ծրագիրն Ուկրաինայի վերաբերյալ պետք է վերանայվի. Մակրոն
Ֆրանսիայի նախագահ Էմանուել Մակրոնը դրական է գնահատել ԱՄՆ-ի ներկայացրած Ուկրաինայի խաղաղության պլանը՝ նշելով, որ այն առաջարկում է խաղաղություն և ընդգծում կարևոր սկզբունքներ, այդ թվում՝ սուվերենության և անվտանգության երաշխիքների վերաբերյալ։ Սակայն, ըստ նրա, փաստաթուղթը դեռևս պահանջում է լուրջ մշակման փուլ։ Այս մասին փոխանցում է «Ռիա Նովոստի»-ն:
Մակրոնը նշել է, որ առաջարկված նախաձեռնությունը պետք է նորից քննարկվի և վերանայվի՝ ինչպես դա արվել էր նախորդ տարի։ Նրա խոսքով՝ պաշտոնական Փարիզը և եվրոպական մյուս մայրաքաղաքները ծրագրի մշակման գործընթացում լիարժեք ներգրավված չեն եղել, ինչն այժմ անհրաժեշտ է շտկել։
Ֆրանսիայի նախագահը նաև ընդգծել է, որ պլանը պարունակում է մի շարք դրույթներ, որոնք ուղղակիորեն առնչվում են Եվրոպայի անվտանգությանը։ Այդ պատճառով, ըստ Մակրոնի, ցանկացած կարգավորման մոտեցում պետք է հիմնված լինի համատեղ, եվրոպական գործընկերների հետ համաձայնեցված քննարկումների վրա։
