Իսրայելի հնարավոր հարձակման դեպքում Իրանը նախորդ պատերազմի համեմատ ավելի պատրաստված է. Աբբաս Արաղչի

The Economist-ին տված հարցազրույցում Իրանի արտգործնախարար Աբբաս Արաղչին հայտնել է, որ Իսրայելի հնարավոր հարձակմանը Իրանը նախորդ պատերազմից ավելի լավ է պատրաստված։ Նրա խոսքով՝ «մեր հրթիռներն ավելի լավ վիճակում են՝ թե՛ քանակով, թե՛ որակով։

Մենք շատ դասեր քաղեցինք 12-օրյա պատերազմի ընթացքում։ Մենք բացահայտեցինք մեր ուժեղ և թույլ կողմերը, ինչպես նաև իսրայելցիներինը. մենք անդրադարձել ենք այս բոլոր հարցերին և լիովին պատրաստ ենք։ Ավելի լավ ենք պատրաստված, քան նախորդ անգամ։ Դա չի նշանակում, թե մենք պատերազմի ենք ձգտում։ Պատերազմը կանխելու լավագույն միջոցը դրան պատրաստ լինելն է»։ Նշվածը փոխանցում է Pars Today-ը։