Վրաստանի նախագահը հայտարարություն է արել Հայաստանի և Ադրբեջանի վերաբերյալ
Վրաստանի նախագահ Միխեիլ Կավելաշվիլին ՀՀ նախագահ Վահագն Խաչատուրյանի հետ հանդիպման ընթացքում հայտարարել է, որ Վրաստանը դրական է գնահատում Հայաստանի և Ադրբեջանի միջև խաղաղության համաձայնագրի նախաստորագրումը։ Նա ընդգծել է, որ Վրաստանը աջակցում է խաղաղության և կայունության հաստատմանը Հարավային Կովկասում և պատրաստ է անհրաժեշտության դեպքում շարունակել իր մասնակցությունը այս գործընթացում։
Այսօր Վրաստանի նախագահի նստավայրում կայացել է Վահագն Խաչատուրյանի և Միխեիլ Կավելաշվիլիի առանձնազրույցը։
ՀՀ նախագահ Վահագն Խաչատուրյանը նոյեմբերի 19–20-ը գտնվում է պաշտոնական այցով Վրաստանում։ Այցի շրջանակում նախատեսված են նաև հանդիպումներ Վրաստանի վարչապետ Իրակլի Կոբախիձեի և Շալվա Պապուաշվիլիի հետ։
