Սլովակիան կարող է դատի տալ ԵՄ-ին. Ռոբերտ Ֆիցո
Սլովակիան ուսումնասիրում է Եվրամիության դեմ դատական հայցի հնարավորությունը՝ կապված ԵՄ-ի ծրագրերի հետ, ըստ որոնց 2028 թվականից պետք է դադարեցվի ռուսական գազի մատակարարումը։ Այս մասին հայտարարել է երկրի վարչապետ Ռոբերտ Ֆիցոն՝ նշելով, որ հաջորդ շաբաթ կառավարությունը կքննարկի համապատասխան փաստաթուղթը, սակայն չի մանրամասնել գործընթացի իրավական հիմքերը։
Սլովակիան և Հունգարիան քննադատում են ԵՄ-ի ծրագիրը՝ ռուսական էներգակիրներից աստիճանաբար հրաժարվելու վերաբերյալ՝ բացատրելով, որ իրենց տնտեսությունները դեռևս մեծապես կախված են Մոսկվայի գազից և նավթից, իսկ ավելի թանկ այլընտրանքները կարող են վնաս հասցնել տնտեսությանը։
Անցյալ ամիս ԵՄ էներգետիկայի նախարարները աջակցել էին առաջարկին, համաձայն որի մինչև 2028 թվականի հունվար ԵՄ տարածքում պետք է աստիճանաբար դադարեցվի ռուսական նավթի և գազի ներմուծումը։ Վերջնական կանոնները պետք է համաձայնեցվեն ԵՄ երկրների և Եվրախորհրդարանի միջև, որը դեռ քննարկում է իր դիրքորոշումը։
