Պեսկովը ժխտել է ԱՄՆ–Ռուսաստան գաղտնի բանակցությունների տեղեկությունները
Ռուսաստանի նախագահի մամուլի քարտուղար Դմիտրի Պեսկովը լրագրողներին ասել է, որ Ալյասկայում կայացած հանդիպումից հետո Մոսկվա–Վաշինգտոն բանակցություններում որևէ առաջընթաց չի արձանագրվել, հայտնում է ՌԲԿ-ն։ Նա անդրադարձել է Axios-ի հրապարակմանը, որտեղ նշվում էր, թե Ռուսաստանն ու ԱՄՆ-ն գաղտնի աշխատում են Ուկրաինայի հակամարտությունը դադարեցնելու նոր ծրագրի վրա։
Պեսկովը ընդգծել է, որ «դեռևս չկա որևէ զարգացում, որի մասին կարելի լինի հաղորդել»՝ նշելով, որ Անքորիջում տեղի ունեցած քննարկումներից բացի հավելյալ փոփոխություններ չեն եղել։
Նախկինում Axios-ը՝ հղում անելով ԱՄՆ-ի և Ռուսաստանի պաշտոնատար անձանց, հաղորդել էր, որ ԱՄՆ նախագահ Դոնալդ Թրամփի վարչակազմը գաղտնի խորհրդակցում է Ռուսաստանի հետ՝ մշակելու ռուս-ուկրաինական հակամարտության կարգավորման նոր պլան։
