Զարմացած եմ Պուտինից. Թրամփը՝ ռուս-ուկրաինական հակամարտության մասին

ԱՄՆ նախագահ Դոնալդ Թրամփը հայտարարել է, որ իրեն զարմացնում է Ուկրաինայում հակամարտության շարունակությունը, սակայն հաստատել է, որ մտադիր է հասնել դրա կարգավորմանը:

«Իրականում ես արդեն դադարեցրել եմ ութ պատերազմ։ Ինձ մոտ մնացել է ևս մեկը, որը պետք է լուծել ՌԴ նախագահ Վլադիմիր Պուտինի հետ։ Ես մի փոքր զարմացած եմ Պուտինից, դա ավելի երկար տևեց, քան ես սպասում էի», - հայտարարել Է Թրամփը Սպիտակ տանը Սաուդյան Արաբիայի թագաժառանգ Մուհամեդ բեն Սալմանի հետ հանդիպման ժամանակ:

Ավելի վաղ ՌԴ ԱԳ նախարար Սերգեյ Լավրովն ընդգծել էր, որ Ռուսաստանը պատրաստ է Ուկրաինայի հետ քննարկել կարգավորման քաղաքական ասպեկտները և աշխատել ցանկացած ձևաչափում: Ընդ որում Մոսկվան մինչև հիմա Կիևից պատասխան չի ստացել հումանիտար, ռազմական և քաղաքական հարցերի առավել կոնկրետ քննարկման համար երեք աշխատանքային խումբ ստեղծելու առաջարկին, որը ռուսական կողմը ներկայացրել էր հուլիսին Ստամբուլում Ուկրաինայի հետ բանակցությունների երրորդ փուլի ընթացքում:

Հավելենք՝ Ուկրաինայի նախագահ Վլադիմիր Զելենսկին է մերժել Ռուսաստանի նախագահ Վլադիմիր Պուտինի հրավերը Մոսկվա՝ բանակցությունների համար։