Հրաշալի կլինի համաձայնագիր կնքել Իրանի հետ. ԱՄՆ նախագահ

Սաուդյան Արաբիայի արքայազնը ժամանել է Սպիտակ տուն՝ ԱՄՆ նախագահ Դոնալդ Թրամփի հետ բանակցելու համար։

Հիմնական թեմաներն են՝ պաշտպանական նոր համաձայնագիրը, F-35 կործանիչների մատակարարումը, միջուկային համագործակցությունը և Իսրայելի հետ հարաբերությունների կարգավորումը:

Թրամփը Սաուդյան Արաբիայի թագաժառանգի հետ հանդիպմանը նշել է, որ հրաշալի կլինի Իրանի հետ համաձայնագիր կնքելը։

«Կարող եմ ասել, որ նրանք շատ են ցանկանում համաձայնագիր կնքել։ Ես լիովին պատրաստ եմ։ Մենք բանակցություններ ենք վարում նրանց հետ, սկսել ենք գործընթացը, և հրաշալի կլինի համաձայնագիր կնքել Իրանի հետ», - ասել է ԱՄՆ նախագահը։