Եսայի քահանա Արթենյանը` Վաղարշապատի ընտրություններում եկեղեցու միջամտելու մասին
Եկեղեցին երբևէ որևէ ընտրական գործընթացի չի միջամտել, և հարկ չկա Եկեղեցուն ներքաշել քաղաքական դաշտ: Այս մասին հայտնել է Եսայի քահանա Արթենյանը:
«Վերջին օրերին Վաղարշապատ խոշորացված համայնքի ՏԻՄ ընրությունների առնչությամբ շատ է շահարկվում Ամենայն Հայոց Կաթողիկոսի անունը։
Հստակ է, թե ինչ նպատակադրումով է դա կատարվում որոշ քաղաքական ուժերի կողմից։ Եկեղեցին երբևէ որևէ ընտրական գործընթացի չի միջամտել, և հարկ չկա Եկեղեցուն նման մեքենայություններով արհեստականորեն ներքաշել քաղաքական դաշտ՝ արդարացնելու հակաեկեղեցական գործողությունները»,- ասել է նա:
Հիշեցնենք` «Քաղաքացիական պայմանագիր» կուսակցության թեկնածու Արգիշտի Մեխակյանը նախնական տվյալներով հաղթել է Վաղարշապատի ընտրություններում:
