ԿԸՀ-ն հայտարարություն է տարածել

ԿԸՀ-ն Վաղարշապատ համայնքի ընտրական իրավունք ունեցող քաղաքացիներին հորդորում է ընտրական ցուցակներում որևէ անհամապատասխանություն հայտնաբերելու դեպքում դիմել լիազոր մարմնին՝ Ներքին գործերի նախարարության միգրացիայի և քաղաքացիության ծառայությանը։

«ՆԳՆ մեր գործընկերներն այսօր ծառայություն են իրականացնում ոչ միայն տարածքային, այլև շրջիկ սպասարկման գրասենյակներում»,- հայտնում են հանձնաժողովից:

Հիշեցնենք, որ այսօր՝ նոյեմբերի 16–ին, Վաղարշապատ խոշորացված համայնքում տեղի են ունենում համամասնական ընտրակարգով ավագանու արտահերթ ընտրություններ:

Ընտրություններին մասնակցում է 8 ուժ՝ 7 կուսակցություն, 1 կուսակցությունների դաշինք:

«Հաղթանակ» կուսակցությունների դաշինք

«Համահայկական ճակատ» կուսակցություն

«Հանրապետություն» կուսակցություն

«Մայր Հայաստան» ազգային-դեմոկրատական կուսակցություն

«Ազատ դեմոկրատներ» կուսակցություն

«Ժառանգություն» կուսակցություն

«ՔՊ» կուսակցություն

«Հայրենիք» կուսակցություն

Ընտրողների ընդհանուր թիվը նոյեմբերի 7-ի դրությամբ 69.866 է։ Ընտրատեղամասերի թիվը 47, որից 23-ը Էջմիածին քաղաքում, մյուսները 18 գյուղերում։

Առավոտյան ժամը 11։00-ի դրությամբ, քվեարկությանը մասնակցել է ընտրական իրավունք ունեցող քաղաքացիների 7․56%-ը կամ 5283 ընտրող։