Wargonzo-ի լրագրող Դմիտրի Սելեզնյովին չեն թույլատրել մուտք գործել Հայաստան
Արգելվել է Wargonzo-ի թղթակցի մուտքը Հայաստան։ Ռազմական թղթակից Դմիտրի Սելեզնյովի մուտքը մերժվել է Երևանի օդանավակայանում, նա ընտանիքի հետ եկել էր Հայաստան` հանգստանալու, հաղորդում է WarGonzo Telegram–ալիքը։
Թղթակիցը սպասում է վերադարձի չվերթին և փաստաթղթերին։ Դմիտրին մի քանի անգամ այցելել է Լեռնային Ղարաբաղ, 44–օրյա պատերազմի ժամանակ աշխատել է որպես ռազմական թղթակից և պարբերաբար այցելել է Հայաստան՝ քաղաքական իրադարձությունները լուսաբանելու համար։
