Թուրքիայի ԶՈՒ ռազմական ինքնաթիռը կարող էր խոցվել
Թուրքիայի Զինված ուժերի ռազմական ինքնաթիռի կործանման շուրջ շարունակվում են քննությունը և տարբեր վարկածների ուսումնասիրությունը։ Կառավարական շրջանակներին մոտ կանգնած «Hürriyet» թերթի սյունակագիր Աբդուլքադիր Սելվին գրում է, որ իշխանությունները դիտարկում են ինչպես ինքնաթիռի տեխնիկական խափանման և կործանման տարբերակը, այնպես էլ հնարավոր խոցման վարկածը։
«Հետաքննվում են ինչպես ինքնաթիռի կործանման հավանականությունը, այնպես էլ այն խոցելու վարկածը։ Կովկասը տարածաշրջան է, որը հայտնի է իր առանձնահատուկ վտանգով։ Ուստի ուսումնասիրվում է յուրաքանչյուր վարկած»,- նշել է Սելվին իր հոդվածում։
Քննությունը շարունակվում է, և պաշտոնական հաստատումներ որևէ վարկածի վերաբերյալ առայժմ չեն հրապարակվել։
