Թուրքիայում ավելի քան 1000 ֆուտբոլիստ զրկվել են խաղալու իրավունքից. մանրամասներ
Թուրքիայի ֆուտբոլի ֆեդերացիան 1024 խաղացողի կասկածում է խաղադրույքներ կատարելու մեջ: Այս մասին հայտնում է ֆեդերացիան։
Խաղացողներին, ֆեդերացիայի կանոնադրության համաձայն, կանչում են կարգապահական կոմիտե:
TFF-ն երկու շաբաթով հետաձգել է երկրի երրորդ և չորրորդ ուժեղագույն դիվիզիոնների հանդիպումները, դրանց կազմում է խաղացողների մեծ մասը: Սուպերլիգայի խաղացողների շրջանում կասկածի տակ է հայտնվել 27 մարդ, այդ թվում՝ «Բեշիքթաշի» և «Գալաթասարայի» երկուական ֆուտբոլիստներ:
Ֆեդերացիան նաև նշում է, որ 47 ֆուտբոլիստների նկատմամբ, որոնց դեպքում միայն մեկ խաղադրույք է հայտնաբերվել, կարգապահական վարույթները կքննվեն ավելի ուշ՝ նոր ապացույցների և համապատասխան մարմիններից ստացված տեղեկության հիման վրա:
Ավելի վաղ հայտնի էր դարձել, որ Թուրքիայի ֆուտբոլի ֆեդերացիայի կարգապահական կոմիտեն խաղադրույքներ կատարելու համար ժամանակավորապես հեռացրել է 149 մրցավարի։
