Պարեկները րոպեների ընթացքում երեխային հասցրել են բժշկական կենտրոն․ մանրամասներ
Քաղաքացին ՆԳՆ ոստիկանության Օպերատիվ կառավարման կենտրոն է զանգահարել՝ տեղեկացնելով, որ թունավորված երեխային անհրաժեշտ է շտապ տեղափոխել հիվանդանոց։
ՆԳՆ մամուլի ծառայության տեղեկացմամբ՝ ահազանգը փոխանցվել է Գարեգին Նժդեհի և Արշակունյաց խաչմերուկում ծառայություն իրականացնող Պարեկային ծառայության կարգախմբին։
Պարեկները մի քանի րոպեում հասել են դեպքի վայր և երեխային ծնողների հետ միասին տեղափոխել բժշկական կենտրոն։ Նշվում է, որ երեխայի կյանքին վտանգ չի սպառնում։
