Պողոս Պողոսյանի աճյունը կարտաշիրիմվի. 1Lureram
1Lureram-ը հայտնել է.
24 տարի առաջ «Առագաստ» սրճարանում սպանված Պողոս Պողոսյանի աճյունը կարտաշիրիմեն։ Երևանի ընդհանուր իրավասության դատարանը, դատավոր Կարեն Ֆարխոյանի նախագահությամբ, քիչ առաջ բավարարել է հանրային մեղադրողի միջնորդությունը։
Աճյունի արտաշիրիմման անհրաժեշտությունն առաջացել է դեպքի ականատես Սթիվեն Նյուտոնի՝ այս տարվա մայիսի 16-ի ցուցմունքից հետո։ Ըստ հանրային մեղադրողի՝ Նյուտոնի նոր ցուցմունքը պարունակում է տեղեկություններ, որոնք կարող են փոխել գործի իրավական որակումը և հանգեցնել եզրակացության, որ կատարվել է դիտավորյալ սպանություն։
Դատարանը կդիմի Վրաստանի իրավասու մարմիններին՝ արտաշիրիմման գործընթացն իրականացնելու համար։
