Թուրքիայից Հայաստան թռիչքների թիվը կավելանա

Արարատ Միրզոյանը հայտարարեց, որ Հայաստանի և Թուրքիայի միջև նախատեսվում է ավելացնել ավիաթռիչքները։

«Հայաստանի և Թուրքիայի միջև ավիաթռիչքներ եղել են, պայմանավորվածություններ կան ավելացնելու թռիչքները։ Դրանք կիրականացվեն ոչ միայն դեպի Երևան, այլ նաև՝ Գյումրի, և, ըստ այդմ, Ստամբուլ, Անկարա»,-հայտարարել է Միրզոյանը «Օրբելի» կենտրոնի կազմակերպած խորհրդաժողովում։

Ըստ նրա՝ Թուրքիայի հետ խնդիր է փակ սահմանները և դիվանագիտական հարաբերությունների բացակայությունը, բայց այժմ կա ինտենսիվ և բովանդակային քաղաքական երկխոսություն. «Այդ գործընթացը եղել է շատ հանրային»,-նշել է նա։