Զելենսկին նոր հայտարարությամբ է հանդես եկել. Եվրոպայում զենքի վաճառքի գրասենյակներ կբացվեն
Ուկրաինան նախատեսում է մինչև 2025 թվականը եվրոպական երկրներում բացել զենքի վաճառքի երկու գրասենյակ։
Ինչպես հայտնում է APA-ն՝ հղում անելով «Ուկրինֆորմ» գործակալությանը, այս մասին լրագրողների հետ զրույցում հայտարարել է Ուկրաինայի նախագահ Վլադիմիր Զելենսկին։
Նրա խոսքով՝ նոր ներկայացուցչությունները կզբաղվեն Ուկրաինայում արտադրված, ինչպես նաև արտասահմանյան գործընկերների հետ համատեղ մշակված զենքի վաճառքով։
Զելենսկին ընդգծել է, որ երկիրը ունի զենքի բավարար պաշարներ, իսկ Եվրոպայում ձևավորվում է դրանց արտահանման կայուն շուկա։
