ԱՄՆ-ում քննարկվում է օդային տարածքի փակումը
ԱՄՆ տրանսպորտի նախարար Շոն Դաֆին հայտարարել է, որ երկրի իշխանությունները կարող են ամբողջությամբ փակել երկրի օդային տարածքը, եթե շարունակվող շաթդաունը վտանգ ստեղծի թռիչքների անվտանգության համար։ Նախարարը նշել է, որ նման քայլը կընդունվի միայն այն դեպքում, երբ գնահատվի՝ օդային երթևեկությունը այլևս անվտանգ չէ։
«Եթե պարզվի, որ թռիչքների անվտանգությունն ապահովել հնարավոր չէ, մենք կփակենք ամբողջ օդային տարածքը»,– ասել է Դաֆին ԱՄՆ նախարարը:
Հավելենք՝ շաթդաունի հետևանքով մի շարք դաշնային կառույցների աշխատանքը մասնակիորեն կասեցված է, ինչն անդրադառնում է նաև ավիացիոն կառավարման ոլորտի վրա։ Ներկայում քննարկվում են տարբեր միջոցառումներ՝ խափանումները նվազեցնելու և անվտանգության մակարդակը պահպանելու համար։
