Իրանը պատերազմ չի սկսի, բայց վճռական պատասխան կտա, եթե փորձեն ահաբեկել. Ռաիսի
«Իրանը պատերազմ չի սկսի, բայց վճռական պատասխան կտա նրանց, ովքեր կփորձեն մեզ ահաբեկել»: Նման հայտարարություն է արել երկրի նախագահ Էբրահիմ Ռաիսին, փոխանցում է Reuters-ը։
«Նախկինում, երբ այլ երկրներ ցանկանում էին խոսել իսլամական հանրապետության հետ, նրանք օգտագործում էին սպառնալիքների լեզուն և ահաբեկում ռազմական սցենարով։ Հիմա այլևս նման խոսքեր չեն հնչում, հակառակը՝ բոլորը հավաստիացնում են, թե Իրանի հետ հակամարտություն սկսելու մտադրություն չունեն», - հայտարարել է Ռաիսին:
Վերջինիս խոսքով՝ Թեհրանի ռազմական հզորությունը ոչ թե սպառնալիք է տարածաշրջանի համար, այլ՝ «անվտանգության երաշխիք»։
