Տուժածները շարունակում են բուժում ստանալ Հաղարծինի վթարից հետո
Նախօրեին Հաղարծին տանող ճանապարհին տեղի ունեցած վթարի հետևանքով տուժածներից երեքը շարունակում են ստանալ բուժօգնություն։ Նրանց առողջական վիճակը գնահատվում է միջին ծանրության։ Այս մասին Aysor.am-ին հայտնեց ՀՀ առողջապահության նախարարի մամուլի խոսնակ Մարիամ Ծատրյանը։
«Մնացած տուժածները դուրս են գրվել»,- նշեց մամուլի խոսնակը։
Հիշեցնենք՝ Հաղարծին վանական համալիրի մոտակայքում Վալերի Բրյուսովի անվան պետական համալսարանի ուսանողներին տեղափոխող ավտոբուսը դուրս էր եկել ճանապարհի երթևեկելի գոտուց, բախվել էր ծառերին և կիսակողաշրջված հայտնվել անտառում։
