Թուրքական նավթավերամշակման գործարանները կրճատեցին ռուսական նավթի ներմուծումը
Մոսկվայի դեմ նոր պատժամիջոցների ուժի մեջ մտնելուց հետո Թուրքիայի խոշոր նավթավերամշակման գործարանները սկսել են նվազեցնել կախվածությունը ռուսական նավթից։
STAR (SOCAR) և Tupras գործարանները այժմ ավելի հաճախ են նավթ գնում Իրաքից, Ղազախստանից, Բրազիլիայից և Անգոլայից։
ԱՄՆ-ի կողմից «Ռոսնեֆտի» և «Լուկօյլի» նկատմամբ սահմանված նոր պատժամիջոցները հնարավորություն են տալիս կիրառել երկրորդական սահմանափակումներ այն օտարերկրյա ընկերությունների նկատմամբ, որոնք շարունակում են համագործակցել ռուսական այս ընկերությունների հետ։
