ԱԺ փոխխոսնակն անդրադարձել է Ալիևի հայտարարություններին

ՀՀ ԱԺ փոխխոսնակ Ռուբեն Ռուբինյանը ֆեյսբուքյան գրառմամբ անդրադարձել է Ադրբեջանի նախագահի՝ Սևանի մասին արած հայտարարություններին։

«Եթե բավականաչափ հետ գնանք, ինչ-որ մի կետում իրոք հին քարտեզներում չենք տեսնի Սևան անվանումը։ Փոխարենը կտեսնենք Գեղամա ծով կամ Գեղարքունյաց ծով։ Ու չենք տեսնի Ադրբեջան։ Բայց հետ գնալու իմաստ չկա ընդհանրապես։ Պետք է գնալ առաջ։ Օգոստոսի 8-ի հռչակագրի ամբողջ իմաստը հենց դա է»,– գրել է Ռուբինյանը։

Ադրբեջանի նախագահ Իլհամ Ալիևը ավելի վաղ հայտարարել էր, որ 20-րդ դարի սկզբի ռուսական կայսերական քարտեզները ցույց են տալիս՝ Հայաստանի տարածքի տեղանունների մեծ մասը ադրբեջանական ծագում ունի։ «Սևանա լիճ չկա, բայց կա Գյոյչա լիճ։ Այդ քարտեզները մենք չենք կազմել, դրանք կազմել է ցարական Ռուսաստանը, որը մի ժամանակ Իրանից և Արևելյան Անատոլիայից հայերին վերաբնակեցրել է Ղարաբաղում՝ էթնիկ կազմը փոխելու համար»,– ասել էր Ալիևը։