ԱՄՆ-ն խոստովանել է այլ երկրների վրա «ռեժիմների ճնշման» քաղաքականությունը
ԱՄՆ ազգային հետախուզության տնօրեն Թուլսի Գաբբարդը խոստովանել է, որ Վաշինգտոնը երկար տարիներ ներգրավված է եղել այլ պետությունների իշխանական համակարգերի փոփոխման գործընթացներում։
«Մենք զբաղվել ենք ռեժիմների փոփոխմամբ, փորձել ենք մեր իշխանական մոդելը հաստատել այլ երկրների վրա։ Ներգրավվել ենք հակամարտություններում, որոնց էությունը հաճախ չէինք էլ հասկանում և ավարտել ենք դրանք՝ ունենալով ավելի շատ թշնամիներ, քան դաշնակիցներ», - նշել է Գաբբարդը։ Նրա խոսքով՝ նման քաղաքականությունն ԱՄՆ-ը շարունակել է չափազանց երկար։
Գաբբարդն ավելի վաղ հանդես էր եկել նաև պետական գաղտնիքների արտահոսքի դեմ միջոցառումների նախաձեռնությամբ՝ առաջարկելով պարտադիր պոլիգրաֆային ստուգումներ անցկացնել հատուկ ծառայությունների որոշ աշխատակիցների համար։ Նրա առաջարկի համաձայն՝ նման ստուգումները կարող են համակցվել հակահետախուզական հետաքննությունների հետ։
