Տաքսու վարարրդից մինչև հատուկ նշանակության ուժերի սպա. ովքեր են ներխուժել Լուվրի թանգարան
Հակաահաբեկչական բյուրոն ձերբակալել է Փարիզի Լուվրի թանգարանի կողոպուտի գործով յոթ կասկածյալի, այդ թվում՝ մի ներգաղթյալի, տաքսու վարորդի և հատուկ նշանակության ուժերի սպայի, ըստ Le Figaro-ի։
Առաջին ձերբակալվածները 34 և 39 տարեկան տղամարդիկ էին, որոնք Սեն-Սեն-Դենի դեպարտամենտի բնակիչներ էին։ Նրանք կասկածվում են «Ապոլլոն» պատկերասրահ ներխուժելու և թանգարանային ցուցանմուշներ գողանալու մեջ։ Երկուսն էլ նախնական կալանքի տակ են։
34-ամյա տղամարդը, որը Ալժիրի քաղաքացի է, բնակվում էր Օբերվիլում։ Նա քննիչներին ասել է, որ աշխատում է որպես առաքիչ և նախկինում դատվածություն է ունեցել ճանապարհային երթևեկության կանոնների խախտման և գողության համար։
Մյուս տղամարդը նախկին տաքսու վարորդ էր՝ առանց լիցենզիայի։ Փարիզի դատախազի խոսքով՝ կասկածյալը գտնվում էր դատական հսկողության տակ՝ կապված լուրջ կողոպուտի գործի հետ, որի դատավարությունը նշանակված էր 2026 թվականի նոյեմբերին։
Հիշեցնենք` հոկտեմբերի 19-ի առավոտյան Լուվրից գողություն էր կատարվել։ Գողերը մտել են Ապոլլոն պատկերասրահ և գողացել ինը զարդեր։
