Երևան քաղաքի Ռուբինյանց փողոցում կոյուղաջրեր են հոսում. «Վեոլիա Ջրիի» արձագանքը
Auroranews-ն ահազանգեր է ստացել, որ Երևան քաղաքի Ռուբինյանց 29/4 հասցեում արդեն 2 ամիս է կոյուղաջրերի միջով են անցնում:
Auroranews-ը խնդրին լուծում տալու համար կապ հաստատեց «Վեոլիա Ջուր» փակ բաժնետիրական ընկերության մամուլի խոսնակի հետ:
Մեզ հետ զրույցում խոսնակը հայտնեց. «Ես խոսել եմ մեր տեղամասի պետի հետ այս հասցեի հետ կապված, ճիշտն ասած զարմացել է, որ նշել եմ 2 ամիս, քանի որ 5 օր առաջ են այնտեղ եղել ու բնակիչների ներկայությամբ փչող մեքենայով կոյուղին մաքրել են, հիմա նորից ահազանգ ունեն ու ըստ հերթականությամբ բոլոր հասցեներին անդրադառնալու են: Մեզ մոտ բոլոր ահազանգերն օրերով, ժամերով գրանցված է»:
«Վեոլիա Ջրից» նաև հորդորեցին, որ քաղաքացիներն էլ մի քիչ պետք է ուղղակի ճիշտ օգտագործեն կոյուղին, որովհետև կոյուղուց տարբեր իրեր են հանել: Նաև հավելեցին, որ հասցեն տեղամասի մոտ է և կմոտենան:
