3 ամյա Տիգրանի մայրը՝ որդու անհետանալու մասին

Գեղարքունիքի մարզի Ծափաթաղ գյուղում երեկ անհետ կորել է 3 ամյա Տիգրանը։ Որոնողափրկարարական աշխատանքները շարունակվում են, ներկա պահին երեխան դեռ չի գտնվել։ Անհետ կորած երեխայի մայրը, Mediahub.am-ի հետ զրույցում, պատմել է որոշ մանրամասներ։

«Տիգրանին առավոտյան եղբայրն է տարել մանկապարտեզ, հետո ես տեսել եմ բակում խաղալիս։ Մնացած ժամանակահատվածում ես աշխատանքի եմ եղել։ Երբ նկատեցինք, որ երեխան չկա , սկսեցինք ման գալ, իսկ հետո զանգահարել ենք 911»,- պատմում է երեխայի մայրը։

Հիշեցնենք՝ ավելի վաղ տեղեկացրել էինք, որ 3 ամյա երեխան որոնվում է։ Ներքին գործերի նախարարության փրկարար ծառույության ղեկավար Կամո Ցուցուլյանն էլ հայտնել է, որ որոնողական աշխատանքները չեն դադարեցվի և կշարունակվեն, այնքան մինչև գտնեն 3 ամյա Տիգրանին։