Փրկարար ծառայության պետը Ծափաթաղում է. քննվում են բոլոր վարկածները կապված 3-ամյա Տիգրանի անհետացման հետ

Ներքին գործերի նախարարության փրկարար ծառայության ղեկավար Կամո Ցուցուլյանը հայտնել է, որ երեք տարեկան Տիգրանի որոնողական աշխատանքները դեռ շարունակվում են։ Նրա խոսքով՝ փրկարարներն ու կամավորները աշխատում են տարածքի բոլոր հնարավոր ուղղություններով։

«Դեռևս չենք հայտնաբերել, որոնողական աշխատանքները բոլոր հնարավոր վայրերում իրականացվում են, ստեղծել ենք շտաբ, ստուգվում են բոլոր վարկածները»,– նշել է Ցուցուլյանը լրագրողների հետ զրույցում։

Նա հավելել է, որ որոնողական գործողություններին մասնակցում են նաև ոստիկանության և համայնքային կառույցների ներկայացուցիչներ։ Գործողությունները շարունակվում են մինչև արդյունքի հասնելը։

Մանրամասները՝ տեսանյութում։