Դիմակավորված անձիք նկատելով ոստիկաններին դիմել են փախուստի

Մայիսի 3-ին, ոստիկանության Էրեբունու քրեական հետախույզները, ծառայության ընթացքում շրջագայություն կատարելիս, Էրեբունի փողոցում տեղադրված վճարահաշվարկային տերմինալի մոտ նկատել են դիմակավորված երկու անձի, որոնք տեսնելով ոստիկանության ծառայողներին՝ դիմել են փախուստի: Ոստիկանները հետապնդել են ու նրանցից մեկին, ժամը 03.20-ին, բերման ենթարկել ոստիկանության Էրեբունու բաժին։ Պարզվել է նրա ինքնությունը՝ 23-ամյա Գևորգ Բ․-ն էր։ Պարզվել է նաև, որ Գևորգ Բ․-ն նախնական համաձայնության գալով Նարեկ Ե․-ի հետ՝ փորձել են գողություն կատարել Էրեբունու փողոցի վճարահաշվարկային տերմինալից: Գևորգ Բ․-ն և Նարեկ Ե․-ն ներկայացվել են Էրեբունի և Նուբարաշեն վարչական շրջանների քննչական բաժին: Կատարվում է նախաքննություն