Մայր Աթոռ Սուրբ էջմիածնի ազատագրման գործնական փուլ. վարչապետը՝ այսօրվա պատարագի մասին

Վարչապետ Նիկոլ Փաշինյանն վաղ առավոտյան տեսանյութ է հրապարակել, որտեղ անդրադարձել է Հովհաննավանքում տեղի ունեցող պատարագին։ Նա մասնավորապես ասել է. 

«Ի՞նչ է խորհրդանշում Հովհաննավանքի այսօրվա պատարագը: Հովհաննավանքի պատարագը խորհրդանշելու է Մայր Աթոռ Սուրբ էջմիածնի ազատագրման գործնական փուլի մեկնարկը»։

Հիշեցնենք, որ Նիկոլ Փաշինյանը սոցիալական ցանցերում հայտարարել է, որ մասնակցելու է կիրակնօրյա պատարագին, որը մտադիր է անցկացնել Տեր Արամ քահանա Ասատրյանը։

Ասատրյանը կարգալույծ է արվել հոկտեմբերի 21-ին։ Դրա համար հիմք են ծառայել Արագածոտնի թեմի առաջնորդի զեկույցը և ՀԱԵ կարգապահական հարցերի հանձնաժողովի եզրակացությունն այն մասին, որ տեր Ասատրյանն իր հրապարակային ելույթներով և հայտարարություններով վարկաբեկել է Հայ Առաքելական Եկեղեցին, թեմի առաջնորդին և այլ եկեղեցականներին:

Հովհաննավանքում` 11։00-ին կմատուցվի կիրակնօրյա պատարագ։