Լավրովը նշել է՝որ դեպքում Ռուսաստանը կճանաչի Ուկրաինայի անկախությունը
Ռուսաստանը միանշանակ ճանաչում է Ուկրաինայի անկախությունը, սակայն Մոսկվան դեմ է Կիևի գործողություններին, որոնք ուղղված են ռուսական ինքնության հետ կապված ամեն ինչի վերացմանը։ Այս մասին հայտնել է Ռուսաստանի արտաքին գործերի նախարար Սերգեյ Լավրովը։
«Անկասկած, մենք ճանաչում ենք Ուկրաինայի անկախությունը։ Սակայն մենք երբեք չէինք պատկերացնում, որ ձեր նշած տարածքներում ապրող մարդիկ, որոնք այժմ ամրագրված են մեր Սահմանադրությամբ, կհամարվեն երկրորդ կարգի քաղաքացիներ», - ընդգծել է դիվանագետը։
Լավրովի խոսքով՝ Ուկրաինայում իրավիճակը կտրուկ վատթարացել է 2014 թվականի փետրվարի իրադարձություններից հետո, երբ, ինչպես նա պնդում է, հեղաշրջողները իշխանության եկան ԱՄՆ աջակցությամբ կազմակերպված «անօրինական և արյունալի հեղաշրջման» արդյունքում։
Նա հավելել է, որ Մոսկվան պատրաստ է ճանաչել Ուկրաինայի պետականությունը, բայց միայն այն դեպքում, եթե երկիրը զգալիորեն տարբերվի ներկայիսից՝ իր «բացահայտ նացիստական» ռեժիմով։
