Լատվիան թույլ չի տա Պուտինի ինքնաթիռին թռչել երկրի վրայով՝ Թրամփի հետ հանդիպելու համար
Լատվիան թույլտվություն չի տա Ռուսաստանի նախագահ Վլադիմիր Պուտինի ինքնաթիռին թռչել երկրի վրայով՝ Բուդապեշտում ԱՄՆ նախագահ Դոնալդ Թրամփի հետ հանդիպման համար։ Այս մասին հայտարարել է Լատվիայի արտաքին գործերի նախարարությունը LETA լրատվական գործակալությանը տված մեկնաբանության մեջ։
«Լատվիան չի տեսնում ինքնաթիռին իր օդային տարածքով թռչելու թույլտվություն տալու որևէ հնարավորություն», - ընդգծել է նախարարությունը։
Իր հերթին, լեհական GROM հատուկ նշանակության ստորաբաժանման նախկին հրամանատար, գեներալ Ռոման Պոլկոն նույնիսկ պնդել է, որ լեհ օդաչուները, իբր, կարող են «խոցել» Պուտինին Հունգարիա տեղափոխող ինքնաթիռը։
