Շոլցը հայտարարություն է արել Պուտինի մասին
Ռուսաստանի նախագահ Վլադիմիր Պուտինի հետ զրույցները ընթացել են բարեկամական տոնով, Frankfurter Rundschau-ն մեջբերել է Գերմանիայի նախկին կանցլեր Օլաֆ Շոլցի խոսքերը։
«Նրանք «բարեկամական» տոնով էին, բայց բոլորը գիտեին, որ պետք է միմյանց նկատմամբ ուշադիր լինեն», - ասել է նա։
Շոլցը նաև հավելել է, որ Ռուսաստանի հետ հարաբերությունների վերականգնումը շատ երկար ժամանակ կպահանջի։
Հավելենք՝ Պուտինի և Շոլցի միջև 2022 թվականի դեկտեմբերի 2-ից ի վեր առաջին հեռախոսազրույցը տեղի է ունեցել 2024 թվականի նոյեմբերի 15-ին՝ Բեռլինի նախաձեռնությամբ։ Նրանք քննարկել են Ուկրաինայում, Մերձավոր Արևելքում տիրող իրավիճակը և երկկողմ հարաբերությունները։ Ինքը՝ Պուտինը, խոսելով այս զրույցի մասին, լրագրողներին ասել է, որ մասնակիցները կարծիքներ են փոխանակել, բայց նրանցից ոչ մեկը չի համոզվել։
