Թրամփը դիտարկում է Վաշինգտոնում մինչև 1000 Ազգային գվարդիայի զինվորական տեղակայելու հնարավորությունը

ԱՄՆ նախագահ Դոնալդ Թրամփը դիտարկում է Վաշինգտոնում մինչև 1000 Ազգային գվարդիայի զինվորական տեղակայելու հնարավորությունը՝ քաղաքում անվտանգությունն ապահովելու և հանցագործության դեմ պայքարելու համար, հաղորդում է NBC-ն՝ հղում անելով ռազմական աղբյուրին և երկու պաշտոնյայի։

Ազգային գվարդիան կսահմանափակվի դաշնային գերատեսչությունների աշխատակիցների և նրանց սեփականության պաշտպանությամբ՝ անմիջականորեն չմասնակցելով իրավապահ մարմինների աշխատանքին:

Ավելի վաղ Դոնալդ Թրամփը սոցիալական ցանցերում հայտարարել է, որ նախատեսում է մաքրել ամերիկյան մայրաքաղաքի փողոցները: Սկզբում նա ցանկանում է ազատվել անօթևաններից, ապա բոլոր հանցագործներին բանտարկել։

Հիշեցնենք` ԱՄՆ նախագահ Դոնալդ Թրամփը Truth Social սոցիալական ցանցի իր էջում գրել էր, որ «Փողոցային հանցագործությունները Վաշինգտոնը վերածել են աշխարհի ամենավտանգավոր քաղաքներից մեկի»։