Իսրայելը հայտարարել է՝ Ռաֆահի անցակետը չի բացվի

Marine 1 րոպե 133 դիտում

18.10.2025 20:54

Իսրայելի վարչապետ Բենիամին Նեթանյահուի գրասենյակի հաղորդմամբ՝ Գազայի և Եգիպտոսի սահմանին գտնվող Ռաֆահի անցակետը չի բացվի մինչև հետագա ծանուցում։

Գազայում պաղեստինյան ՀԱՄԱՍ շարժման ղեկավար Խալիլ ալ-Հայյան հոկտեմբերի 9-ին հայտարարել է, որ Ռաֆահի անցակետը շուտով կվերաբացվի երկու կողմերից։ Շաբաթ օրը Կահիրեում Պաղեստինի դեսպանատունը հայտարարել է, որ Ռաֆահը կվերաբացվի հոկտեմբերի 20-ին։

«Վարչապետ Նեթանյահուն հրամայել է, որ Ռաֆահի անցակետը չի վերաբացվի մինչև հետագա ծանուցում։ Դրա վերաբացման հարցը կքննարկվի՝ կախված Համասի կողմից առևանգված մահացածներին վերադարձնելու և համաձայնեցված պլանը իրականացնելու առաջընթացից», - ասվում է վարչապետի գրասենյակի հայտարարության մեջ։