Թեհրանը պատրաստ է միջուկային ծրագրի շուրջ բանակցությունների, եթե ԱՄՆ-ը չհարվածի

Իրանի միջուկային ծրագրի շուրջ բանակցությունների վերսկսման դեպքում Միացյալ Նահանգները պետք է երաշխավորի ռազմական ուժ չկիրառելը:Այս մասին հայտնում է Tasnim լրատվական գործակալությունը։

Իրանի արտաքին գործերի նախարար Աբբաս Արաղչին  ասել է, որ ամենից առաջ Միացյալ Նահանգները պետք է փոխի իր վարքագիծը և այլևս չհարվածի Իրանին:

Այդ դեպքում բանակցությունները կարող են շարունակվել:

Հիշեցնենք՝ Ապրիլի 12-ից Օմանի միջնորդությամբ կայացել է Իրանի և ԱՄՆ միջև անուղղակի բանակցությունների հինգ փուլ: Միջուկային ծրագրի քննարկմանը միտված հերթական հանդիպումը չեղարկվել էր այն բանից հետո, երբ Իսրայելը հունիսին հարվածել էր Իրանին։

Նշենք նաև, որ հունիսի 22-ին Ֆորդոյում, Սպահանում և Նաթանզում գտնվող Իրանի միջուկային օբյեկտներին հարվածել էր նաև Միացյալ Նահանգները: Իրանի իշխանությունները բազմիցս պնդել են, որ իրենց միջուկային ծրագիրը բացառապես խաղաղ նպատակներ է հետապնդում։