Լեհաստանում՝ Բելառուսի հետ սահմանին, անօրինական թունել է հայտնաբերվել

Լեհ սահմանապահները հայտարարել են Բելառուսի հետ սահմանի տակ թունելի հայտնաբերման մասին: Այս մասին սոցիալական ցանցերում հայտարարել է Հանրապետության ներքին գործերի և կառավարման նախարար Մարցին Կերվինսկին՝ X սոցիալական ցանցում:

«Սահմանապահ ծառայության Պոդլասկեի դեպարտամենտի աշխատակիցները լեհ-բելառուսական սահմանի վրա գտնվող արգելապատնեշի տակ թունել են հայտնաբերել», - գրել է նա:

Կերվինսկին նշել է, որ թունելը սկսվում է բելառուսական կողմից և ավարտվում սահմանից մոտավորապես 20 մետր հեռավորության վրա՝ լեհական կողմից:

Սեպտեմբերի վերջին Լեհաստանը բացեց իր սահմանը Բելառուսի հետ և սկսեց թույլատրել տրանսպորտային միջոցների մուտքը իր տարածք՝ անցակետերի վերաբացումից հետո:

Լեհ սահմանապահ ծառայությունը սեպտեմբերի 12-ի գիշերը փակեց իր անցակետերը բելառուս-լեհական սահմանին: Նրանք նաև ցանկապատ են կառուցել՝ օգտագործելով բետոնե արգելապատնեշներ, հակատանկային արգելապատնեշներ, փշալարեր և մետաղական վահաններ: Սահմանին տեղակայվել են նաև տասնյակ հազարավոր զինվորներ:

Վարշավան այս քայլերը բացատրեց՝ հղում անելով սեպտեմբերի 12-ից 16-ը տեղի ունեցած «Զապադ-2025» համատեղ Ռուսաստան-Բելառուս զորավարժություններին։ Ավելի վաղ Լուկաշենկոն խոսել էր Բելառուսի և Լեհաստանի միջև ենթադրական պատերազմի մասին։