Ես չեմ համագործակցում որևէ կուսակցության հետ ո՛չ Հայաստանում, ո՛չ էլ Թուրքիայում. Աճեմօղլու

Թուրքիայում լույս տեսնող «Ակոս» շաբաթաթերթում հրապարակվել է Դարոն Աճեմօղլուի պարզաբանումը՝ «Մեր ձևով» շարժմանը միանալու հրապարակումների հետ կապված։

Աճեմօղլուն մասնավորապես նշել է, որ ինքը չի հարում հայաստանյան որևէ քաղաքական ուժի:

Աճեմօղլուն «Ակոս»-ին պարզաբանել է. «Ես ուղերձ եմ ուղարկել նրանց համաժողովի համար, բայց ես որևէ կապ չունեմ քաղաքական ուժի հետ»:

Հավելենք, որ Աճեմօղլուի ելույթից առաջ շարժման առաջնորդներից մեկը՝ Նարեկ Կարապետյանը, հայտարարել է, որ Աճեմօղլուն որպես խորհրդատու և փորձագետ կմասնակցի շարժման աշխատանքներին Հայաստանի տնտեսական զարգացման ծրագրի վերաբերյալ: Իր ելույթում Աճեմօղլուն ընդգծել է, որ «արհեստական ​​բանականությունը և դրա բերած հնարավորությունները կարևոր են Հայաստանի զարգացման համար»:

Աճեմօղլուն «Ակոսի»-ի հարցմանն ի պատասխան մասնավորապես նշել է․ «Ես չեմ համագործակցում որևէ կուսակցության հետ ո՛չ Հայաստանում, ո՛չ էլ Թուրքիայում: Ես հաղորդագրություն ուղարկեցի նրանց համաժողովի համար, բայց ես որևէ կապ չունեմ քաղաքական ուժի հետ»։