Պուտինը հանդես է եկել մի շարք հայտարարություններով

Ռուսաստանը մտադիր է ամրապնդել իր դիրքերը՝ որպես համաշխարհային էներգետիկ առաջնորդի։ Այս մասին հայտարարել է Ռուսաստանի նախագահ Վլադիմիր Պուտինը:

«Ռուսական նավթային հատվածը կայուն է աշխատում, ՌԴ-ն ապահովում է նավթի համաշխարհային արտադրության մոտ 10%-ը»,- ասել է նա:

Պուտինը նաև հայտարարել է, որ ԵՄ-ի դեմարշը միայն արագացրել է ռուսական գազի վերահասցեավորումը դեպի այլ հուսալի ուղղություններ

«Ռուսաստանն աշխատում է իր գազի ոլորտի արտահանման ներուժի ավելացման ուղղությամբ»,- հավելել է ՌԴ նախագահը:

Վերջինս նաև խոսել է աւյն մասին, որ ածուխը շարունակում է զգալի մասնաբաժին ունենալ համաշխարհային էներգետիկ հաշվեկշռում:

Պուտինի խոսքով՝ Ռուսաստանը մտադիր Է BRICS-ի գծով խորացնել համագործակցությունը ատոմային ոլորտում գլոբալ հարավի երկրների հետ:

«Թվային տնտեսությունը ատոմային էներգիայի պահանջարկ ունի: Ռուսաստանը հորիզոնում 15 տարի նախատեսում է ներդնել ավելի քան 29 գիգավատ հզորությամբ ատոմակայաններ, այդ թվում՝ փոքր ԱԷԿ-ներ»,- եզրափակել է Պուտինը: