Կրեմլը «դավաճանեց» Մեհդիևին. Ադրբեջանում պետական հեղաշրջում էր պլանավորվում
Ադրբեջանի նախագահի աշխատակազմի նախկին ղեկավար և Անվտանգության խորհրդի անդամ Ռամիզ Մեհդիևը Ռուսաստանի աջակցությամբ պլանավորում էր իշխանության զավթում Ադրբեջանում: APA-ի փոխանցմամբ՝ ծրագիրը բացահայտվել է ռուսական կողմից Դուշանբեում նախագահների հանդիպման ժամանակ:
Մեհդիևը առաջարկել է իշխանության բռնի զավթումից հետո ստեղծել ժամանակավոր մարմին՝ անցումային շրջանի պետական խորհուրդ, որը գլխավորում էր ինքը՝ 87-ամյա նախկին բյուրոկրատը: Մեհդիևը նաև ռուսական կողմին է փոխանցել այս խորհրդի առաջարկվող անդամների մասին տեղեկատվություն:
Դուշանբեում Ադրբեջանի և Ռուսաստանի նախագահների հանդիպման ժամանակ հենց ռուսական կողմն է Բաքվին տեղեկացրել Մեհդիևի առաջարկի և նրա ցանցի գործունեության մասին: Մոսկվան, ըստ երևույթին, հրաժարվել է Մեհդիևին ցուցաբերած աջակցությունից և պաշտոնապես տեղեկացրել է ադրբեջանական կողմին այդ մասին:
Նա մեղադրվում է իշխանության զավթման փորձի, պետական դավաճանության և հանցավոր ճանապարհով ձեռք բերված գույքի լվացման մեջ։ Դատարանը նրան դատապարտել է չորս ամսվա տնային կալանքի։
Մեհդիևը կարող է նաև զրկվել պետական պարգևներից և պատվավոր կոչումներից։
