Իրանցի պատգամավորը՝ Ռուսաստանի և Ադրբեջանի հետ ունեցած հանդիպումից մանրամասներ է ներկայացրել
Բաքվում կայացած եռակողմ հանդիպման ժամանակ քննարկվել են տարանցիկ, մաքսային և էներգետիկ ոլորտները։ Այս մասին հայտարարել է Իրանի ճանապարհների և քաղաքաշինության նախարար Ֆարզանա Սադիքը։ Հաղորդում է APA գործակալությունը։
Ֆարզանա Սադիքը նշել է, որ այս հանդիպման ամենակարևոր արդյունքը Ադրբեջանի, Իրանի և Ռուսաստանի կողմից տարանցիկ փոխադրումների ծավալը մեծացնելու նպատակի սահմանումն էր.
«Ստեղծվել է աշխատանքային խումբ՝ «Հյուսիս-Հարավ» միջազգային տրանսպորտային միջանցքով փոխադրումների ծավալը 15 միլիոն տոննայի հասցնելու համար: Ռեշտ-Աստարա երկաթուղու միացումը Հյուսիս-Հարավ միջանցքին օրակարգում է»,- ասել է նա։
Նրա խոսքով՝ երեք երկրների բեռնափոխադրողները բախվում են տարբեր խնդիրների.
«Ստեղծվել է ավտոմոբիլային փոխադրումների հարցերով հատուկ աշխատանքային խումբ, որը բաղկացած է Ադրբեջանի, Իրանի և Ռուսաստանի մաքսային, սահմանային և տրանսպորտային գործակալությունների ներկայացուցիչներից»,- հավելել է նա:
