Իրանից Ադրբեջան թռչող ԱԹՍ-ի մուտքը կանխվել է
Կանխվել է Իրանից Ադրբեջան թմրանյութերի մաքսանենգությունը անօդաչու թռչող սարքի միջոցով։ Այս մասին հայտարարություն է տարածել Ադրբեջանի Պետական սահմանապահ ծառայության մամուլի կենտրոնը։
«Սահմանային խուզարկության և օպերատիվ միջոցառումների արդյունքում կանխվել է անօդաչու թռչող սարքի (ԱԹՍ) միջոցով Իրանի Իսլամական Հանրապետությունից Ադրբեջանի Հանրապետության տարածք մեծ քանակությամբ թմրանյութերի տեղափոխումը:
Խուզարկության արդյունքում սահմանային գոտում հայտնաբերվել և առգրավվել է ընդհանուր առմամբ 12 կիլոգրամ 660 գրամ մարիխուանա»,- ասվում է հայտարարության մեջ։
