ԱՄՆ-ի անկայանությունը բազմիցս տեսել ենք. նրանց հայտարարություններն անընդհատ փոխվում են. Իրանի ԱԳՆ
Վերջին տարիներին Միացյալ Նահանգները անկայունություն է ցույց տվել իր դիրքորոշումներում, և ամերիկացի պաշտոնյաների հայտարարությունները անընդհատ փոխվում են: Այդ փորձը նկատվում է ոչ միայն Իրանի հետ կապված բանակցություններում, այլև տարածաշրջանային հարցերի շուրջ: Այս մասին հայտարարել է Իրանի Արտաքին գործերի նախարար Աբբաս Արաղչին:
«Ինչ վերաբերում Է Գազայի հատվածին, թեև ԱՄՆ նախագահը և այլ ամերիկացի պաշտոնյաներ իրենց ելույթներում խոսել են Պաղեստինի ժողովրդի վերականգնման, մարդասիրական աջակցության և իրավունքների պաշտպանության մասին, լուրջ կասկածներ կան Վաշինգտոնի կողմից այդ խոստումների կատարման վերաբերյալ: Տարածաշրջանի երկրների արտգործնախարարների հետ բանակցությունները ցույց են տալիս նաև, որ գործնականում ոչ ոք լավատեսորեն տրամադրված չէ այդ պարտավորությունների կատարման վերաբերյալ:
Այժմ բոլորը խոսում են «համաձայնագրի առաջին փուլի» մասին, քանի որ պարզ է, որ հետագա փուլերը շատ ավելի բարդ են լինելու, և հենց այդ ժամանակ ակնհայտ կդառնա ամերիկյան իշխանությունների ազնվության և պարտավորությունների պահպանման աստիճանը»,- հայտարարել է Աբբաս Արաղչին:
