Ներգաղթի ոլորտում բազմաթիվ խնդիրներ կան. Պուտին
Ռուսաստանը հետաքրքրված է արտասահմանյան աշխատուժով, բայց դա պետք է լինի անհրաժեշտ աշխատուժ, Տաջիկստան կատարած այցից հետո լրագրողներին ասել է Ռուսաստանի նախագահ Վլադիմիր Պուտինը, հայտնում է ТАСС-ը։
«Ռուսաստանը, իհարկե, հետաքրքրված է աշխատուժով, բայց միևնույն ժամանակ մենք հետաքրքրված ենք, որ այն լինի մեզ անհրաժեշտ աշխատուժ։ Հետո էլ, մենք ուզում ենք, որ մարդիկ իրենք էլ ապրեն մարդկային պայմաններում և հետևեն մեր օրենքներին ու կանոնակարգերին, ես միշտ սա եմ ասում, և լինեն օրինապահ քաղաքացիներ։ Ի դեպ, սա առաջին հերթին վերաբերում է լեզվին»,- ասել է Ռուսաստանի նախագահը։
Պուտինը միաժամանակ նշել է, որ ներգաղթի ոլորտում կան բազմաթիվ խնդիրներ, ինչպես նշում են հենց իրենք՝ Ռուսաստանի քաղաքացիները։
«Այնուամենայնիվ, այստեղ կան բազմաթիվ խնդիրներ, և Ռուսաստանի Դաշնության քաղաքացիները մեզ մատնանշում են այդ խնդիրները։ Եվ մենք առաջին հերթին պետք է մտածենք մեր երկրի քաղաքացիների մասին»,- ասել է ՌԴ նախագահը։
