ԵՄ երկրները ճնշման տակ են. Զախարովա

Ռուսաստանի արտաքին գործերի նախարարության խոսնակ Մարիա Զախարովայի խոսքով՝ ԵՄ երկրները ճնշման տակ են, այդ թվում՝ ներսից, հրաժարվելու ռուսական էներգամատակարարումներից և դառնալու 100% անգլոսաքսոնական։

«ԵՄ երկրների վրա կա հսկայական ճնշում, այդ թվում՝ Բրյուսելում հայտնված լիազորված անձանց միջոցով, որոնք գործում են ոչ թե այլ արտաքին խաղացողների շահերից ելնելով, այլ ուղղակիորեն ԵՄ անդամ պետությունների քաղաքացիների շահերի դեմ։ Նպատակներից մեկն այն է, որ Եվրամիությունը և Արևմտյան Եվրոպան լիովին գտնվեն արևմտյան աշխարհի վերահսկողության տակ», - Սանկտ Պետերբուրգի միջազգային գազային ֆորումի շրջանակներում լրագրողներին ասել է նա՝ մեկնաբանելով ԵՄ-ի կողմից ռուսական էներգամատակարարումներից հրաժարվելու հեռանկարները։

Նա հավելել է, որ Եվրոպային անհրաժեշտ ինքնիշխանությունը, ի թիվս այլ բաների, ապահովվում է էներգետիկ ինքնիշխանությամբ, և Ռուսաստանը միշտ էլ նրանց վառելիք է մատակարարել։