ՏԵՍԱՆՅՈՒԹ. Հանդիպումն ավարտվեց ՌԴ խաղաղապահ զորակազմի հրամանատարի հետ. մանրամասներ
ՌԴ խաղաղապահ ուժերի հրամանատար Ալեքսանդր Լենցովի հետ հանդիպումն ավարտվեց: Արցախի պետնախարար Գուրգեն Ներսիսյանը հանդիպումից հետո նշել է, որ մարդկանց մի մասը կմնան վրաններում, որոնք տեղադրված են խաղաղապահ զորակազմի տեղակայման վայրում, մյուսները կվերադառնան Ստեփանակերտ։
«Այսուհետ հաշվի առնելով նաև ժողովրդի պահանջը և մեր հետագա բոլոր քայլերը՝ պարտավորվել են ամենօրյա ամենժամյա ռեժիմով տեղեկությունը փոխանցել Ռուսաստանի Դաշնություն և ընդունել, որ իրենք ունեն աշխատանք անելու անհապաղ իրավիճակը կարգավորելու և հումանիտար ճգնաժամը վերացելու ուղղությամբ»,- նշել է պետնախարարը:
Պետնախարարը, դիմելով ժողովրդին նշել է, որ բոլորը վերադառնում են Ստեփանակերտ, և որ ինքը քիչ անց կհրապարակի ժամը քանիսին են լինելու Վերածննդի հրապարակում:
Ավելի վաղ հայտնել էինք, որ Արցախում հանրահավաքի մասնակիցները քայլերթով հասել են ռուսական խաղաղապահ զորակազմի տեղակայման վայր: Նրանք պատրաստվում են ներկայացնել պահանջները՝ դադարեցնել Արցախի շրջափակումն ու հումանիտար աղետը։
Մանրամասները՝ տեսանյութում:
