Մենք վստահում ենք նրան․ «Կրասնոդարի» գլխավոր տնօրենը՝ Սպերցյանի մասին
«Կրասնոդարի» նման միջազգային կոլեկտիվում ռասիզմի դրսևորումն ուղղակի անհնար է։ Այդ մասին «Championship» պարբերականին հայտնել է «Կրասնոդարի» գլխավոր տնօրեն Վլադիմիր Հաշիգը՝ մեկնաբանելով «Կրասնոդարի» ավագ Էդուարդ Սպերցյանի հասցեին ռասիզմի մեղադրանքները։
«Մենք ունենք միջազգային թիմ՝ խաղացողներ տարբեր երկրներից, տարբեր կրոնների, որոնք խոսում են տարբեր լեզուներով։ Ռասիզմը պարզապես անհնար է նման միջավայրում։ Էդուարդը ակումբում է գրեթե 15 տարի՝ սկսելով ակադեմիայից, և ես նրան շատ լավ եմ ճանաչում որպես անձնավորություն։ Ահա թե ինչու Էդուարդին երիտասարդ տարիքում ընտրեցին որպես ավագ. նա ունի տաղանդ՝ միավորելու բոլորովին տարբեր մարդկանց և ստեղծելու փոխադարձ հարգանքի մթնոլորտ։ Մենք վստահում ենք նրան՝ և՛ որպես ավագի, և՛ որպես անձի»,- ասել է Վլադիմիր Խաշիգը։
Հիշեցնենք՝ ՌՊԼ-ի 11-րդ տուրում «Ախմատի» հետ հանդիպման 85-րդ րոպեին (2:0) գրոզնեցիների կիսապաշտպան Իբրահիմ Նդոնգը հեռացվեց խաղադաշտից Սպերցյանի դեմքին հարվածելու համար: Ըստ սենեգալցու՝ «Կրասնոդարի» ավագն իրեն ասել է. «Բերանդ փակիր, սև կեղտ»:
